Екатеринбург қаласында екі жасөспірім құрдасын мылтықпен қорқытып, аяусыз соққыға жыққан, деп жазады Alash.kz ұлттық порталы.
Алдын ала мәліметтер бойынша, екі жасөспірім өздерінің құрдасын тізерлетіп отырғызып, аяусыз соққыға жыққан. Бұл кезде зардап шеккен балаға тапанша бағытталған.
– Алдын ала деректерге сәйкес, екі жасөспірім өздерінің құрдасын тізерлетіп, ұрып-соққан, сонымен қатар оған тапанша бағыттаған. Қазіргі уақытта Ресейдің Тергеу комитетінің қызметкерлері оқиғаның барлық мән-жайын анықтап жатыр, – деді Свердлов облысы бойынша Тергеу комитеті басшысының аға көмекшісі Александр Шульга.
Аталған факті бойынша «Бұзақылық» және «Бас бостандығынан заңсыз айыру» баптары бойынша қылмыстық іс қозғалды (Ресей Федерациясы Қылмыстық кодексінің 213 және 127-баптары). Қазір тергеушілер оқиға куәгерлерін және жасөспірімдердің ата-аналарын анықтап, зардап шеккен балаға келген залалдың деңгейін нақтылауда.
