“Израильмен атысты тоқтату туралы ешқандай келісім жоқ, бірақ соққы уақытша тоқтатылды”. Бұл туралы Иран Сыртқы істер министрі Аббас Аракчи мәлімдеді, деп жазады Alash.kz ұлттық порталы.
«Иран бірнеше рет мәлімдегендей, бұл соғысты бастаған - Иран емес, Израиль. Қазіргі уақытта атысты немесе әскери әрекеттерді тоқтату жөнінде ешқандай ресми келісім жоқ. Дегенмен, егер Израиль режимі иран халқына қарсы заңсыз агрессиясын Тегеран уақыты бойынша таңғы 4:00-ге дейін (Баку уақытымен 4:30) тоқтататын болса, біз де осы уақыттан кейін жауаптық әрекеттерімізді жалғастырмаймыз.
Әскери операцияларды толығымен тоқтату туралы түпкілікті шешім кейін қабылданады. Израильдің агрессиясы үшін оны жазалау мақсатында біздің қуатты Қарулы күштеріміздің әскери операциялары соңғы минутқа дейін, таңғы 4:00-ге дейін жалғасты.
Барлық ирандықтармен бірге мен Отанымызды соңғы тамшы қанымыз қалғанша қорғауға әрқашан дайын тұрған ержүрек Қарулы күштерімізге алғыс айтамын. Олар жаудың әрбір шабуылына соңына дейін жауап берді», - деп жазды Иранның Сыртқы істер министрі.
