Алматы жартылай марафонында екі қатысушы қайтыс болды, деп хабарлайды Alash.kz ұлттық порталы Аlmaty.tv сайтына сілтеме жасап.
Марафон ұйымдастырушылары екі қатысушының жүгіру кезінде көз жұмғанына байланысты марқұмдардың жақындарына көңіл айта отырып, олардың екеуінің де Алматыдағы жарыстардың тұрақты қатысушылары болғанын мәлім етті.
"84 жастағы Аққоян Рсалиев пен 21 жастағы Нұрбол Ахмади қайтыс болғанын терең қайғымен хабарлаймыз. Жартылай марафонға (21,1 км) қатысқан екеуіне де Алматыдағы жарыстардың тұрақты қатысушылары болды. Ұйымдастырушылар ережеге сәйкес әрекет етті: медициналық қызметтер, төтенше жағдайлар қызметі және полиция жедел және уақтылы көмек көрсетті. Қабылданған шараларға қарамастан, қатысушылардың өмірін сақтап қалу мүмкін болмады", - делінген хабарламада.
Жартылай марафон 20 сәуірде таңертең Тұңғыш Президент саябағынан Орталық стадионға дейінгі бағыт бойынша өтті. Аққоян Рсалиев 2021 жылдан бері жарыстарға тұрақты түрде қатысып жүрген. Бұған дейін Алматы жартылай марафоны мен Алматы марафонында 21,1 шақырым және 10 шақырым қашықтықты сәтті бағындырған.
Бүгін жартылай марафон кезінде Әл-Фараби даңғылындағы қашықтықтың бірінші шақырымында ер адам кенет өзін нашар сезініп, бір минуттан кейін оған жедел жәрдем бригадасы көмекке келген, алайда оның тамыр соғысы тоқтап қалғаны анықталды.
"Сағат 8:15-те ПД қызметкерлері қатысушының құлап қалғанын хабарлады. Жедел жәрдем бір минут ішінде келді, тамыр соғысы болған жоқ. Хаттамаға сәйкес реанимациялық шаралар жүргізілді. Алдын ала қорытынды: өкпе эмболиясы. Созылмалы артериялық гипертензиясы болған», - бригада дәрігері Әлібек Хошназаров.
Екінші марқұм Нұрбол Ахмади бұған дейін «Қысқы жүгіру-2025» жарысының 10 шақырымдық қашықтыққа жүгіруіне қатысып, Астана мен Алматыдағы жартылай марафонға, сондай-ақ Алматыдағы марафонға тіркелген болатын. Бүгін Алматыда жартылай марафон кезінде 16 шақырымдық қашықтықта жүгіру кезінде есінен танып қалған. Оқиға орнына келген дәрігерлер жансақтау шараларын жүргізгенімен, еш нәтиже болмады - бригада келгенше марафоншы көз жұмған.
"Сағат 9:18-де келгенімізде ұйқы артериясы соғысы мен тыныс алудың тоқтап қалғаны анықталды жоқ, қан қысымы нөлді көрсетіп тұрды. Реанимациялық шаралар хаттамаға сәйкес жүргізілді. Бірақ сәтсіз болды. Өлім 103 бригадасы келгенге дейін болған. Алдын ала диагноз - өкпе эмболиясы, жедел жүрек жеткіліксіздігі", - деп түсіндірді бригада дәрігері Әйгерім Есдәулетова.
Дәрігерлердің айтуынша, қатысушылар өлімінің себебі сот-медициналық сараптаманың қорытындысы бойынша белгілі болады, оның қорытындысы жақын арада туыстарына хабарланады.
«Бірінші болу батылдығы» корпоративтік қорының атқарушы директоры Салтанат Қазыбаеваның айтуынша, қатысушылардың қауіпсіздігі - ұйымдастырушылар басымдығы.
«Жарысқа тіркелу кезінде барлық қатысушы спорттық іс-шараға қатысуға физикалық дайын екені және өз денсаулығына толық жауапты екені туралы мәлімдемеге қол қояды, бұл осындай марафондарды өткізуде әлемде қабылданған тәжірибе. Almaty Marathon-ына қатысушылар үшін біз жыл бойына дайындық пен қауіпсіз жүгіру бойынша сарапшылармен тегін ашық оқу сабақтары мен дәрістер өткіземіз. Жарыс басталған күні әр пунктте алғашқы медициналық көмек көрсетіледі. Барлық жарыс жолы полиция және жедел медициналық жәрдем қызметімен бірлесіп мұқият және алдын ала әзірленген», - деді Салтанат Қазыбаева.
«Бірінші болу батылдығы» корпоративтік қоры марқұмның туыстары мен жақындарына көңіл айтады. Ұйымдастырушылар жүгірушілердің отбасымен байланысқа шығып, марқұмдардың отбасына қаржылай көмек көрсетуді жоспарлап отыр.
