Екі баланың анасы Зарема Оздоева 2024 жылдың маусым айында жоғалып кеткен. Түнгі ауысымнан кейін үйіне қайтып келе жатып, подъезге кіргенімен, бірінші қабаттағы пәтеріне жете алмаған. Сол сәттен бастап оны іздеу басталды, деп хабарлайды ALASH.KZ.
Зарема Оздоеваның денесі осы уақыт бойы дәл қарсы беттегі — қоқысқа толы, қараусыз қалған пәтерде жатқан.
Дәл сол жерде оның балалары өздеріне «штаб» жасап, уақыт өткізген. Олар өз анасын сол жерде жатыр деп ойламаған да.
Бұл пәтерді полицейлер тексерген, алайда Зареманы байқамаған. Бірнеше күннен кейін оның денесін еріктілер тапқан.
Белгілі болғандай, Зареманы қарызы үшін үшін сол құрбысының көңілдесі өлтірген.
Зареманың қабырғалары сынған, аузы тілінген. Қылмыскер 10 жылға бас бостандығынан айырылды.
Ал ол туралы айтпаған құрбысы — 2 жылға сотталды.
Марқұмның отбасы қылмыскерлерге қатаңырақ жаза талап етуде.
