Желіде жас жігіт Қазақ еліне үндеу жасап, ысырапшылдықтан бас тартып, аста-төк той жасауды доғаруға шақырды, деп жазады Alash.kz ұлттық порталы.
“Достар, бір ауыздан той деген нәрсені доғарайықшы. Жасы 56-57 шамасындағы әйел келді. “Балам, маған 5-6 млн кредит шығарып берші. Сенің қолыңнан келеді ғой” дейді. Мен ол кісіден “Не себепті кредит керек?” деп сұраймын. “Баламның тойын жасау керек” дейді.
Мен сол нәрсені түсінбеймін. Сөйтіп ол әпкені ренжітпей, бірақ жай сұрадым. “Бала-шағаңыз алдағы уақытта сізбен бірге тұра ма? Бөлек шыға ма?” десем, “Бөлек шығады. Өздері пәтер жалдап тұрады” дейді.
“Әпке, тойға кредит алып не қыласыз? Егер ол ақша тойға кететін болса” дедім. Той өз-өзін жабады деп ойлайды адамдар. Бірақ ол жерде құдалық деген нәрсе бар. Керек емес дүниелер… Той біткеннен кейін сол жастар келген адамдардың барлығының тойына қатысады. Берген ақшасын қайтарады. Баспанаға ақша жинай алмайды. Неге осы жастар болып той деген нәрсені доғару керек деген осындай бір тренд шығармасқа?
Ата-аналарымыз да, үлкен қарияларымыз да айтпайды. Мысалы, болады ғой. Тәтті шайда екі ата-ана жолығып, ситуацияны қарап… Жағдайы болса, мақұл, той істесін. Бірақ жағдайы жоқ болса, бір мәмілеге келіп, мысалы “Жастарға той істемей-ақ, соған бастапқы жарна ретінде Отбасы банкке салайық” деп айтса болады. Той деген бір-ақ күнде өтеді. Сіз тоймен ешкімді таңғалдыра алмайсыз. Кредитке алынған нәрсені сол той иесі қиналып төлеп жүреді. Сөйтіп ол батпақ-құйрықтан ешқашан шыға алмайды. Сондағысы бір-ақ күн. Жеп кетеді. Қазір ол тойға барғысы келетін адамдар жоқ. Ешкім барғысы келмейді. Ақша бергісі келмейді. Өйткені қазіргі заманда біздің елімізде қазақтардың барлығы кредитке батып кеткен. Той деген нәрсені қою керек деп біздің Президентіміз Қасым-Жомарт Тоқаевта: “Той қуалайтын емес, ой қуалайтын кезеңмен бетпе-бет келдік” деп айтқан. Біздің көзқарасымыз басқаша ғой. Өзіміз қазіргі заманауи жастар болып той деген нәрсеге бойкот жасау керек”,- деді желі қолданушысы.
