Танымал әнші Жазира Байырбекова өзінің Instagram парақшасында америкалық жұлдыз Дженнифер Лопеске қатысты бейнежазба жариялады, деп жазады Alash.kz ұлттық порталы.
Azattyq Rýhy сайтының хабарлауынша, әнші Лопестің 55 жастағы сыртқы келбетіне тәнті болып, өз жұбайы Жанболат Ербатыровқа әзіл-қалжың аралас сауал жолдады.
«Дженнифер Лопес сияқты сұлу болу үшін фитнеске неше сағат бару керек? Жанболат, 55 жасымда Лопес сияқты болғанымды қалайсың ба? Ол үшін Америкаға көшу керек шығар…»– дейді Жазира видео барысында.
Жазираның айтуынша, әлем жұлдызына ұқсап тұру – тек физикалық жаттығумен шектелмейді. Бұл – мәдениет, орта және өмір салтының әсері.
«Біздің қазақ болып туылғанымыз, менталитетіміздің өзі басқа. Сол себепті дәл сондай энергия, дәл сондай фигура, дәл сондай тартымдылыққа қол жеткізу қиын-ау», – деді әнші өз жазбасында.
