Владимир Зеленский Украина делегациясы 2 маусымда Ыстамбұлда Ресеймен өтетін келіссөздердің екінші кезеңіне қатысатынын растады, деп жазады Alash.kz ұлттық порталы.
“Украина Қорғаныс министрінің, Сыртқы істер министрінің, Бас штабтың, барлау қызметтері мен Украина Қауіпсіздік қызметінің баяндамаларын тыңдадым. Дүйсенбі күні Ыстамбұлда өтетін кездесу алдында ұстанымдарды айқындадым. Бірінші - толық әрі сөзсіз атысты тоқтату. Екінші - тұтқындарды босату. Үшінші - ұрланған балаларды қайтару. Және сенімді әрі ұзақ мерзімді бейбітшілікті орнатып, қауіпсіздікті қамтамасыз ету үшін - ең жоғары деңгейде кездесу өткізуге дайындалу керек. Негізгі мәселелерді тек көшбасшылар шеше алады. Дүйсенбі күні біздің делегацияны Рустем Умеров басқарады”, - деп жазды Зеленский.
