Бірнеше күнде Ресей мен Украинаның жақын арада бітімге келетіні анық болмаса, Вашингтон араағайындықтан бас тартады, деп жазады Alash.KZ.
Бұл туралы Парижде украин делегациясымен кездесуден шыққан АҚШ мемлекеттік хатшысы Марко Рубио осылай деп мәлімдеді.
“Егер бейбітшілік орнауы мүмкін болса – араласамыз, болмаса – бізде өзге де басымдықтар бар” деді Рубио.
Оның сөзінше, АҚШ кейінгі үш жылда Украинаға көмектескен және соғыстың аяқталғанын қалайды, алайда назар аударылуы тиіс өзге де мәселелер бар.
