Кеше кешкі сағат 19:26-да Сайран көлінен 1977 жылы туған ер адамның мәйіті шығарылды, деп жазады Alash.KZ.
Куәгерлердің айтуынша, ер адам шомылуға тыйым салынған жерде мас күйінде шомылып жүріп батып кеткен.
17 жастағы жігіттің батып кеткені туралы полицияға хабарлама түскен. Оқиға орнына кезекші прокурор мен тергеу тобы барды.
"Суда екі кәмелетке толмаған баланың болғаны анықталды. Олардың бірі өздігінен жағаға шыққан, ал екіншісінің тағдыры әзірге белгісіз. Оқиға орнында полиция қызметкерлері мен құтқарушылар жұмыс істеуде. Іздеу жұмыстары жалғасып жатыр", – деп хабарлады полиция департаменті.
Артынша баланың денесі табылғаны белгілі болды.
Желіде тараған видеоларда куәгерлер құтқарушылардың баланы құтқарып қалуға мүмкіндігі болғанын алға тартты.
“Құтқарушылар келген кезде бала тірі еді. Бірақ құтқарушылар көзілдірігіміз жоқ, суға түсе алмаймыз деп біраз күтті. Баланы құтқарып қалуға болар еді. Олардың жаны жан да біздің баламыздың жаны жан емес пе”, – дейді куәгерлер.
Төтенше жағдайлар департаменті Сайран көлінде барлық құрылыс, санитарлық жұмыстар толық аяқталып, нысан ресми түрде пайдалануға берілгенге дейін шомылуға қатаң тыйым салынатынын ескертеді.
