Жол-көлік оқиғасы 21 сәуір күні Алматы – Бішкек автожолының 86-шақырымында орын алды, деп хабарлайды ALASH.Kz.
Аталған жол апаты бойынша полиция қылмыстық іс қозғап, тергеу жүргізіп жатыр.
“22 жастағы Land Rover Range Rover көлігінің жүргізушісі рөлге ие бола алмай, аударылып кеткені анықталды. Жол апатының салдарынан жүргізуші мен екі жолаушы оқиға орнында қаза тапты, тағы бір жолаушы ауруханада көз жұмды”, – деп мәлімдеді Liter.kz редакциясына Алматы облысы полиция департаментінің баспасөз қызметі.
Аймақтық полиция жол қозғалысына қатысушылардың барлығын жол жүру ережелерін қатаң сақтауға, жылдамдықты асырмауға және жол қауіпсіздігі талаптарын бұзбауға шақырады.
