9 мамыр түнінде Ақтау қаласындағы тұрғын үй кешенінде бұрынғы күйеуі әйелін ұрып-соғып, қинап, терезеден лақтырып жібермек болған. Абырой болғанда, әйел адам қашып үлгерген, деп хабарлайды ALASH.KZ.
Жәбірленуші көмек сұрап және бұл оқиғаға жұртшылықтың назарын аударту мақсатында блогер Азамат Сәрсенбаевқа жүгінген.
Әйелдің айтуынша, 12 мамырда қайтадан некеге тұрмақ болған бұрынғы күйеуі оған қол көтеріп, шабуыл жасаған.
Ол әйелді екі жарым сағат бойы ұрып-соғып, тұншықтырып, балконнан лақтырып жіберемін деп қорқытқан. Кейін өзі де өзін өлтіретінін айтқан.
Жәбірленушінің айтуынша, көмек сұрап айқайлағанына қарамастан, көршілердің ешқайсысы араласпаған және полиция шақырмаған. Әйел агрессормен бетпе-бет жалғыз қалған. Шок жағдайында ол өзін құтқарып, қашып шыққан. Оның айтуынша, қалай 17 қабатты баспалдақпен жүгіріп түскенін есіне түсіре алмайды — аффект күйінде болған.
Ол түнді құрбысының үйінде өткізген. Таңертең өзін аздап жинап алған соң, полицияға арыз жазған.
«Қазір әйел тек бір нәрседен қорқады — бұрынғы күйеуі оны тауып алып, бастаған ісін аяқтауы мүмкін. Сондықтан бұл жағдайды жария етуге мәжбүр болып отыр (бұған дейін ол бірнеше рет кешіріп, полициядан көмек сұрамаған)», — деп жазады блогер.
Liter.kz редакциясына Маңғыстау облыстық полиция департаменті бұл факті бойынша түсініктеме берді:
«Соққыға жығу фактісі бойынша қылмыстық іс қозғалды».
Қазіргі уақытта тергеу амалдары жалғасуда.
