Ресей президенті Владимир Путин АҚШ Президентінің арнайы өкілі Стив Уиткоффпен кездесуі барысында Мәскеудің Киевпен алдын ала шарттарсыз келіссөз жүргізуге дайын екенін растады. Бұл туралы Ресей президентінің баспасөз хатшысы Дмитрий Песков мәлімдеді, деп жазады Alash.kz ұлттық порталы Interfax.ru сайтына сілтеме жасап.
«Кеше Трамптың арнайы өкілі Уиткоффпен өткен кездесу барысында Владимир Путин Ресей тарапынан Украинамен ешқандай алдын ала шарттарсыз келіссөз процесін қайта бастауға дайын екенін тағы да қайталады», - деді Песков.
Песков Путиннің бұған дейін де бірнеше рет осындай мәлімдеме жасағанын еске салды.
Бұған дейін хабарланғандай, 25 сәуір күні Путин Уиткоффпен кездесу өткізген. Бұл Ресей президенті мен АҚШ президентінің арнайы өкілінің төртінші кездесуі болды.
