Күшпен әскерге шақыру: Жас жігіт әскерге барудан қашу үшін басын көлікке соғып, ауыр жарақат алды, деп хабарлайды ALASH.KZ.
Жамбыл облысы, Тараз қаласында әскерге шақыру кезінде күш көрсету дерегі тіркелді.
Әлеуметтік желілерде тараған бейнежазбада екі ер адам (біреуі әскери формада) жас жігітті көлікке күштеп отырғызуға тырысып жатқаны анық көрінеді.
Жігіт барынша қарсылық көрсетіп, үмітсіз күйде басын көліктің төбесіне бірнеше рет әдейі соғады. Осы әрекеттен кейін оны босатып жібереді.
Оқиға Қызыл Жұлдыз шағынауданында болған.
@jagdaikz паблигінің мәліметінше, жас жігіт ми шайқалу диагнозымен жарақат алған.
Ал әзірге жергілікті билік пен Қорғаныс министрлігінен ресми түсініктеме берілген жоқ.
Бұл жағдай желіде кең талқыланып, еліміздің кейбір өңірлерінде әскерге шақыру кезінде қолданылатын әдістердің заңдылығы мен адам құқықтарының сақталуына қатысты алаңдаушылық туғызды.
