Күдіктілердің күліп бара жатқан видеосын таратқандар жазаға тартылды, деп жазады Alash.KZ.
Шерзат Полаттың ісі бойынша 29 сәуірде өткен тікелей эфирден кейін интернетте күдіктілердің күліп бара жатқан видеосы тарады. Халықтың ашу-ызасын тудырған видеоға айыпташылардың жақындары арыз түсірді.
Қызметтік тексерудің нәтижесін сот алқасы жариялады.
"Қызметтік тексеріс барысында сот процесін онлайн трансляциясы бойынша таратылған техникалық қызметкерлердің трансляцияны уақытылы тоқтатпағаны, соның нәтижесінде күдіктілердің видеосы эфирге шыққаны анықталды.
Нәтижесінде техникалық қызметкерлер Рустем Муксинов, Назира Оразалиева және Сауле Кайдагулова тәртіптік жазаға тартылды. Кешегі әлеуметтік желілерде тағы да сот отырысының аудиожазба таралуына байланысты сот жекеше қаулы шығару үшін кеңесу бөлмесіне шығады", – деді судья Ержан Жанұзақов.
