"Kazakh Tourism" мәліметінше, Алматыдағы кездесулерге 4 мыңнан астам шетелдік жанкүйер келеді деп күтілуде.
UEFA талаптарына сәйкес, әр матчқа келген қонақтарға стадиондағы орындардың 5%-ы бөлінеді. Бұл әр ойында шамамен мыңға жуық шетелдік жанкүйер болады дегенді білдіреді.
Орташа есеппен, әрбір мейман Қазақстанға сапары кезінде шамамен 1 400 АҚШ долларын жұмсайды.
Осылайша, туризм, қонақүй бизнесі, тамақтану орындары мен көлік қызметтері елеулі табысқа кенелмек.
Айта кетейік, алматылық "Қайрат" алғаш рет UEFA Чемпиондар лигасының негізгі кезеңіне жолдама алып отыр.
