Бірнеше жылдан бері жұмыссыз қалып, таксимен нәпақа тауып жүрген белгілі журналист Ербол Мәндібек желіде жаңалығын жариялап, оқынмандарынан сүйінші сұрады, деп жазады Alash.KZ.
"Құрметті достар! Енді мен Хабар агенттігінің қолдауымен "Арнайы жобалар" әзірлеймін! Қолдап, сенім білдіргені үшін агенттіктің Басқарма Төрағасы Кемельбек Ойшыбаев мырзаға айрықша алғыс айтамын! Бүгін Ерлан Атамбай ағамызбен жұмыс барысын талқылап, ақыл-кеңесін алдым" деп жазды әріптесіміз.
Мәндібектің жазуынша, оның желідегі оқырмандар саны көп көрінеді. Бұл артықшылығы оның алдағы жұмысына да көмектесетін көрінеді.
"Фейсбук парақшамды ай сайын орташа есеппен 4-5 миллион адам қарайды екен. Ендеше қаузайтын тақырыпты осы жерде сіздермен бөлісіп, бірге талқылап отырамын. Жақын күндері алғашқы жобаны бастаймын! Мені қолдап отырыңыздар ағайын!" деп жазды.
