Павлодар облысының Жаңа Қала ауылында 52 жастағы Руслан Бисмельдиновты іздеу аяқталды. Ол 7 маусым күні жоғалып кеткен болатын. Өкінішке қарай, VITA ерікті іздеу жасағының волонтерлері Русланның қайтыс болғанын хабарлады, деп жазады Alash.KZ.
«Табылды. Қайтыс болды», — деп жазды волонтерлер.
Руслан жоғалған сәттен бастап оны сүңгуірлер, жергілікті тұрғындар, туыстары және еріктілер белсенді түрде іздеді. Таңертеңнен бастап іздеу топтары жаға сызығы мен су айдынын мұқият қарап шықты. Волонтерлердің айтуынша, олардың тобы да іздеуге шыққан, бірақ бүгінге дейін еш нәтиже болмаған.
Белгілі мәліметке сүйенсек, 7 маусым күні таңғы сағат 9 шамасында екі ер адам винті сынып қалған қайықпен суға шыққан. Нұсқалардың біріне сәйкес, қайық бір затқа соғылып, Руслан суға құлап кеткен болуы мүмкін. Алайда оқиғаға куә болған екінші адамның, яғни жалғыз куәнің айтқандары үнемі өзгеріп отырған. Жергілікті тұрғындар, егер Руслан расымен орманда жүрген болса, ол әлдеқашан үйіне оралған болар еді дейді — өйткені бұл жердің жолын бәрі біледі.
Волонтерлер мен Руслан Бисмельдиновтің туыстары ақпарат бере алатын барлық адамдардан көмек сұрап, бейжай қарамауды өтінген.
Русланды үйінде туған-туыстары мен жақындары күтіп отырған. Өкінішке қарай, іздеу қайғылы аяқталды.
