Ақпараттық кеңістікте Бота MIA атымен танылған Ақбота Нұрақын есімді блогер бұрынғы жігітінен көрген қорлығын айтып, жан сырын ақтарды, деп жазады Alash.kz ұлттық порталы.
«Ол қара көлікпен келіп тоқтады. Ішінен түсе салып, балта көтерді. Досы араға түсіп, мені аман алып қалды. Бірақ бәрібір көлікке күштеп отырғызып, сырттағы өзенге алып кетті. Сол сәтте мен өлімге дайын болдым. Бірақ досы оны сабырға шақырып, райынан қайтарды. Осылайша бір өлімнен аман қалдым.
Кейін ол тізерлеп тұрып, кешірім сұрап келді. Мен “тағы келсең, полиция шақырамын” деп ескерттім. Бір жолы ГАИ қызметкері келіп, оны алып кетті. Содан кейін ғана тынышталды. Осы оқиғадан кейін ұзақ уақыт бойы жігіттерге сенуден қалдым», – деді блогер “Taboo” бағдарламасына берген сұхбатында.
