Астанада ер адам бірге тұратын әйелін пышақтап өлтіріп, 25-қабаттан секіріп кеткен, деп жазады Alash.kz ұлттық порталы.
@sirimitkulovbot телеграм-ботына түскен ақпаратқа сәйкес, елордадағы «Орбита» тұрғын үй кешенінде тұрмыстық жанжал салдарынан 1989 жылы туған Е.И. есімді ер адам 1994 жылы туған бірге тұратын әйел С.А.-ға бірнеше рет пышақ жарақатын салып өлтірген.
Әйел жедел жәрдем келгенге дейін оқиға орнында көз жұмды.
Қанды оқиғадан кейін Е.И. өзіне қол салуға әрекет жасап, 25-қабаттан секіріп, төменде тұрған автокөліктің үстіне құлаған. Белгілі болғандай, тірі қалып, ауруханаға жеткізілді.
Аталған қайғылы жайт балалардың көз алдында болған.
Полиция департаменті аталған фактіне сәйкес адам өлтіру бабы бойынша қылмыстық іс қозғады.
