Депутат Ринат Заитов мәдениет саласындағы марапат пен марапатқа жетпеген өнер иелеріне қатысты пікір білдірді, деп хабарлайды ALASH.KZ порталы.
"Халық әртісі" атағына лайық, бірақ ескерілмей жүрген жиырма адамның атын айтып бере аламын, - деді депутат.
Сонымен қатар, ол мәдениет саласына ұшан-теңіз үлес қосқан Әсет Ианғалиға марапат берілмей келе жатқанына қынжылды:
- Ғабит Мүсірепов атындағы Қазақ Мемлекеттік Академиялық балалар мен жасөспірімдер театрында жиырма жылдан астам қызмет етіп, кейін Темірбек Жүргенов атындағы өнер академиясында жүздеген шәкірт тәрбиелеген Әсет Иманғалидың үшінші жыл қатарынан атаққа жетпеуін түсінбеймін, - деді депутат.
