Владимир Зеленский АҚШ президенті Дональд Трамптың "кейбір аумақтарды айырбастау" туралы ұсынысын қатаң түрде қабылдамады, деп жазады Alash.kz.
The New York Times шолушысы Констант Мехенің жазуынша, жұма күні Дональд Трамп 15 тамызда Аляскада Ресей президенті Владимир Путинмен кездесу барысында Украина мәселесін талқылайтынын айтқан. Әңгіме өзара тиімді аумақ алмасу жайында болмақ.
"Украиндар өз жерін ешкімге бермейді. Біздің қатысуымызсыз қабылданған кез келген шешім – бұл бейбітшілікке қарсы шешім. Ондай шешімдер еш нәтиже әкелмейді", – деп түсіндірді Зеленский.
Сарапшының пікірінше, Украина басшысының бұл қатаң жауабы Трампты ашуландыруы мүмкін, себебі АҚШ президенті Украина мен Ресей арасындағы бейбіт келісімді өзінің басты сыртқы саяси мақсаттарының біріне айналдырған.
Шолушы Зеленскийдің ұстанымы "қақтығысты аяқтау үшін аумақтан бас тартуға құлықсыздық" туралы Украинада кең тараған пікірді көрсететінін атап өтті.
Мәлімет бойынша, Трамптың бастамасы тек Зеленскийге ғана емес, Украина экс-президенті Петр Порошенкоға да жақпаған.
"Украиндар – өз аумақтарын саудаламайтын ұлт. Сондықтан біз Украина тарапынан жасалған кез келген аумақтық жеңілдік арқылы бейбітшілікке қол жеткізілетін жайтты қалыптастыра алмаймыз", – деді Порошенко.
Киевтің Халықаралық әлеуметтану институтының жуырдағы сауалнамасы көрсеткендей, украиндардың жартысынан көбі жерден бас тартпау керек деп санайды. Тіпті бұл қақтығыстың ұзаққа созылуына және тәуелсіздікті сақтап қалу қаупіне әкелсе де, жергілікті халық өз жерін саудаламауға бек түйінген.
