Украина президенті Владимир Зеленский Рим папасы XIV Леомен алғаш рет телефон арқылы сөйлесіп, оны Украинаға апостолдық сапармен келуге шақырды, деп хабарлайды ALASH.KZ.
“Бұл сапар біздің халқымызға, әсіресе дінге сенетіндерге зор үміт сыйлайтынына сенемін. Әңгімеміз алғашқы болса да, өте мазмұнды әрі шынайы өтті”, – деп жазды Зеленский өзінің Telegram парақшасында.
Сөйлесу барысында тараптар әділ бейбітшілікке қол жеткізу, тұтқындарды босату және Украинаның ұрланған балаларын елге қайтару мәселелерін талқылады.
Сонымен қатар, Зеленский мен Рим папасы болашақта жеке кездесу өткізуге уағдаласты.
Айта кетейік, XIV Лео кардинал кезінде Украинадағы соғысты “империалистік басқыншылық” деп бағалаған болатын.
