17 мамыр күні Қазақстан Республикасының Президенті Қасым-Жомарт Кемелұлы Тоқаев 72 жасқа толды, деп хабарлайды ALASH.KZ порталы.
Мемлекет басшысының баспасөз қызметі туған күнге байланысты мәлімдеме жасап, ешқандай салтанатты іс-шаралар өткізілмейтінін мәлімдеді.
«Президент бұл күнді атап өтпейді, қандай да бір ресми немесе мерекелік шаралар жоспарланбаған», – делінген ресми хабарламада.
Қасым-Жомарт Тоқаев 1953 жылы 17 мамырда Алматы қаласында дүниеге келген.
Әкесі – Кемел Тоқаев (1923–1986), Ұлы Отан соғысының ардагері, белгілі жазушы, қазақ әдебиетіндегі детектив жанрының негізін қалаушылардың бірі.
Анасы – Тұрар Шабдарбаева (1931–2000), Алматыдағы педагогикалық шет тілдер институтында қызмет атқарған.
