Әлеуметтік желідегі ақпаратқа сүйенер болсақ, қалалық жастар ресурстық орталығының басшысы «әлеуметтік желідегі әкімдік жазбаларына лайк баспадың» деп қызметкерлерін заңсыз жазалаған, деп жазады Alash.KZ.
Тіпті, жиналысқа салып, бұйрық шығарып, ескерту берген. Салдарынан бір қызметкердің денсаулығы нашарлап, жедел жәрдем шақыртуға мәжбүр болған.
«Осыған байланысты Жастар ресурстық орталығының басшысына қатысты тәртіптік жаза қолдану туралы шешім қабылданды», — деп жазды қалалық ішкі саясат және жастар істері жөніндегі басқармасының басшысы Айгерім Жұмағұлова.
