Шерзат Полатты өлтіру ісі бойынша өтіп жатқан сот процесінде марқұмның анасы Гүлбара Бишембаева куәлік беріп, дерек айтты, деп хабарлайды ALASH.kz.
Бишембаеваның айтуынша, түн ортасында күйеуі хабарласып, Шерзатқа біреу шабуыл жасағанын айтқан. Ол Нұрқанат есімді ұлын оятып, кейін өзі «Камажай» дүкеніне барған. Оқиға орнында 10–15 адамнан тұратын топты көргенін, арасында екі қыз болғанын жеткізді. Оның сөзінше, топ бір адамдай болып Шерзатқа жабылған.
— Шерзат жараланып, артқа шегініп барып құлады. Қасына жүгіріп барғанда: «Анашым, мына жерге қарашы», — деп сол жағын көрсетті. Сол жерде пышақ жарақаты болды, — деді Гүлбара Бишембаева.
Оқиға куәгері ретінде ол жедел жәрдем мен полиция шақыруға тырысқанымен, жанындағы екі қыздың ешқандай әрекет жасамағанын атап өтті.
- Екі қыз маған тас лақтырып, жедел-жәрдем шақырмады, - деді ол.
