Пышақталып көз жұмған Шерзат Полаттың ісі бойынша сот процесі жалғасуда, деп хабарлайды ALASH.KZ Ulysmedia.kz сайтына сілтеме жасап.
Алайда бұл іс төңірегінде қоғамда үлкен резонанс тудырған оқиға орын алды.
Әлеуметтік желілерде күдіктілердің сот залынан езуін жия алмай, мәз болып шығып жатқан видеосы тарап кетті.
Бұл бейнежазба жұрттың ашуын туғызды. Көпшілік күдіктілердің мұндай әрекетін адам өміріне немқұрайлы қарау, қайғыны мазақ ету деп қабылдады. Пікір қалдырғандар әділ жаза мен соттың қатаң шешімін талап етуде.
