Алматыда түнгі клуб басшысы қызметкерін зорлады деген күдікпен ұсталды, деп хабарлайды ALASH.KZ порталы Stan.kz ақпарат агенттігіне сілтей отырып.
Әлеуметтік желіде Елиссей есімді жігіт өзін Шайкенженов Амирдің зорлаған айтып, видео жариялады. Ол бұл жайттың биыл 24 наурызында болған айтты.
“Таңертең, ауысымнан кейін, сіздер үнемі қауіпсіздік үшін сыйлайтын Амировка жобасының негізін қалаушы Амир мені сол клубтың кабинетінде зорлады. Біз екеуіміз де шегіп алған едік, сол себепті не болып жатқанын түсінбедім. Тіпті қарсыласуға ақыл-ой қабілетім жетпеді. Осы оқиғадан бері екі жарым айдай уақыт өтті, осы уақыт ішінде мен тек аман қалуға тырыстым”, – деді ол.
Елиссей Амирден сескеніп, өз қауіпсіздігі үшін қорыққан.
“Ары қарай қалай өмір сүрерімді білмедім. Адамдарға, тіпті өзімнің айнадағы бейнеме қарауға қорықтым. Бұл өте ауыр және қорқынышты. Қазір бұл туралы айту сондай қиын. Бірақ мен бұл жерге Амирді зорлық үшін айыптауға келдім. Өйткені бұл – кешірілмейтін нәрсе. Бұл жай ғана сөйлесіп, кешірім сұрай салатын жағдай емес. Мен мұндайды кешіре алмаймын” , – деді жәбірленуші.
Алматы полициясы әлеуметтік желіде мониторинг жүргізу кезінде Елиссейдің видеосын байқаған.
“Бұл факт бойынша Медеу ауданының полиция басқармасы қылмыстық іс қозғады. Жедел-іздестіру іс-шаралары барысында жәбірленушінің жеке басы анықталып, ол полицияға ресми арыз жазды. 29 жастағы күдікті — аталған мекеменің басшысы ұсталып, уақытша ұстау изоляторына қамалды”, – деп мәлімдеді полиция.
Қазір қажетті тергеу әрекеттері жүргізіліп жатыр.
"Тергеу барысында күдіктінің әрекетіне, соның ішінде арызда көрсетілген мән-жайларға құқықтық баға беріледі", — деп атап өтті полиция департаменті.
Тергеу барысы басшылықтың ерекше бақылауында.
