Қазақстан Республикасының Президенті Қасым-Жомарт Тоқаевтың әкесі Кемел Тоқаевтың Екінші дүниежүзілік соғыста көрсеткен ерлігін Ресей Қорғаныс министрлігі жариялады, деп хабарлайды ALASH.KZ «Аргументы и факты» басылымына сілтеме жасап.
Кемел Тоқаев Ұлы Отан соғысына қатысқаны үшін II дәрежелі орденімен марапатталған.
Өткен жылы «Халық ерлігі» порталында Кемел Тоқаевтың «Ерлігі үшін» медаліне ұсынылғаны туралы ақпарат жарияланған болатын. Енді биыл екінші марапат туралы құжат та жарияланды. Онда оның ерлігі егжей-тегжейлі сипатталған.
Еглиевец елді мекенінің солтүстік-батысындағы жаудың түнгі шабуылын тойтару кезінде Кемел Тоқаев бастамашылдық танытып, жеке ерлік көрсеткен.
Ол жау шебіне бірінші болып кіріп, бес немісті жойып, біреуін тұтқынға алған. Шегіну кезінде Тоқаев снайпердің оғынан жараланған. Соған қарамастан, ол аяғындағы жарасын өзі таңып, өз бөлімшесіне қайтып оралған.
