Қырғызстан президенті Садыр Жапаров Кенесары хан туралы видеоға пікір білдіріп, қазақ пен қырғызға үндеу жолдады, деп жазады Alash.KZ.
Ол видеоYoutube әлеуметтік желісінде жарияланған. Қырғыз президенті екі елдің арасына от салғысы келетін әлдебір күштер туралы сөз қозғады.
«Құрметті қазақ және қырғыз жұрты! Күні кеше ғаламторда қырғыз бен қазақ халқының арасына жік салған осы видео пайда болды. Тарихи тағдырымыз сондай: қазақ пен қырғыз ежелден бір туған, бір мақсаттағы халықтармыз», – деп бастаған сөзін Садыр Жапаров.
Оның пікірінше, екі бауырлас халықтың арасына от тастап жатқан арандатушылар кездесіп отыр. Мақсаты – тарихты бұрмалап, екі елді жауластыру.
«Арандатушылық үшін оңай тақырыптардың бірі ретінде – он тоғызыншы ғасырдағы тарихымыздың трагедиялық беттері, әсіресе Кенесары ханның қырғыз жеріне басып кіруі және оның өлімімен аяқталған оқиғалар таңдалып отыр. Мен бұл тақырыпты қозғап, шайқалтқысы келетіндердің әрекеттерін көптен бері бақылап келемін», – деді президент.
Садыр Жапаров бұл тарихи оқиғаны өз бетінше оқып, ізденгенін, жақсы білетінін жеткізген, деп жазды kz.kursiv.media.
«Кенесары ханның отаршылдыққа қарсы шыққаны дау туғызбайды. Ол – нағыз батыр болған! Бірақ қырғыз жеріне кіріп келгенін және сол әрекетіне лайықты жауап алғанын жоққа шығаруға болмайды», – деп жазды ол.
Содан кейін Садыр Жапаров өзіне белгілі оқиғалар мен тұлғалар жайында ұзын-сонар ақпарат берген.
«Енді бұл оқиғалар тарихқа айналды. Одан енді сабақ алуымыз керек. Мұндай оқиғалардан сабақ алудың маңыздылығы қазіргі заманда тіпті арта түсуде», – деді Жапаров.
Оның айтуынша, екі араға от салғысы келетін арандатушылардың ақылға келмей жатыр. «Біраздан бері байқап жүрмін. Екі халықты бір-біріне қарсы қоюды көздеген бір күш пайда болды. Ондайлар екі елдің де ішінде бар», – дейді қырғыз президенті.
Садыр Жаппаровтың айтуынша, төртінші атасы Солтонқұлдың бәйбішесі Науша қазақ қызы болған екен. Сондықтан қазаққа жиен болып келетінін де айтқан. Сондықтан, екі елдің достығын қадірлейтін қазақ пен қырғызды, әсіресе, жастары арандатушыларға ермеуге шақырады.
