Оқ жарақатын алып, ауыр хәлде ауруханаға түскен Шымкент қаласы әкімінің орынбасары Руслан Берденовтің әйелі Маржан Берденова желіде жолдасы жайлы жазба қалдырды, деп жазады Alash.kz ұлттық порталы.
«Жатырмын… Ұзақ уақыттан бері алғаш рет жүрегімнің «тук-тук» деп соғып тұрғанын естіп тұрмын. Бірақ ол «тук-тук» емес, «тууук-тууук» деп барабан сияқты соғып жатыр.
Жүрегімнің қалай соғатынын осыған дейін де естіп, сезіп жүрдім ғой. Бірақ дәл осылай қатты соққанын ересек өмірімде алғаш рет естіп тұрмын. Бала кезде естеріңізде ме? Бір нәрседен қорыққан кезде жүрек қатты соғатын еді ғой», — деп жазды әйелі.
