«Кінәні мойныма алдым» – айыпталушы Абзал Шынасыл төбелеске қатысқан өзге азаматтармен жасалған келісім жайлы айтты, деп хабарлайды ALASH.KZ.
Сотта Абзал Шынасыл тергеу кезінде Талғар полициясы оларға: «Егер біреуің кінәні мойнына алмасаңдар, барлығыңа топ болып кісі өлтірді деген айып тағылады» деп ишара жасағанын мәлімдеді.
Осыдан кейін ГАЗель көлігінде бірге отырған басқа күдіктілермен ақылдасып, ол Шерзат Полатты өлтіргенін мойнына алуға, ал тағы бір қатысушы — Шерзаттың ағасын жарақаттағанын мойындауға келіскен.
Кейін Шынасыл бұл көрсетулерінен бас тартты.
Ол шын мәнінде Шерзатқа өлімге әкелген соққы жасамағанын, тек оның ағасы Нұрқанат Ғайыпбаевты үш рет пышақ сұққанын айтты.
