Пәкістан сенбіге қараған түні Үндістанға қарсы әскери операцияның басталғанын мәлімдеді, деп хабарлайды Alash.KZ порталы Ulysmedia.kz порталына сілтеп.
Пәкістан тарапының мәліметіне қарағанда, Үндістандағы бірнеше нысан, елдің солтүстігіндегі зымыран қоймасына шабуыл жасалып, атқыланған.
Бұл шиеленіс кейінгі отыз жылдағы ең ауқымды жағдай ретінде бағаланып отыр. Пәкістанның хабарлауынша, бұған дейін Үндістан үш пәкістандық әуе базасына, соның ішінде Исламабад маңындағы нысанға зымыранмен соққы жасаған. Алайда зымырандардың көпшілігі елдің әуе шабуылына қарсы қорғаныс жүйесі арқылы сәтті тосып алынған.
Үндістанның қорғаныс және сыртқы істер министрліктері әзірше ресми пікір білдірген жоқ. Таяу арада үнді әскери өкілдері мәлімдеме жасауға тиіс.
