WSJ: Трамп Ресейге қарсы жаңа санкциялар енгізуді осы аптада қарастыруда, деп хабарлайды ALASH.KZ.
АҚШ президенті Дональд Трамп бейбіт келіссөздердің баяу жүріп жатқанына және Ресей президенті Владимир Путиннің әскери әрекеттерді жалғастырып жатқанына барған сайын наразы болып отыр.
Басылымның хабарлауынша, Трамп алдағы күндері – 1 маусымға дейін – Ресейге қарсы санкцияларды күшейту мүмкіндігін қарастыруда.
WSJ-дің бір дереккөзі жаңа санкциялар, ең ықтимал нұсқада, банк секторына қарсы шектеулерді қамтымайтынын айтқан.
Дегенмен, ол Путинге қысым көрсетудің басқа жолдары талқыланып жатқанын жеткізді.
Бұл тетіктер Ресей президентін келіссөздерде ымыраға келуге, соның ішінде 30 күнге оқ атуды тоқтатуға көндіруге бағытталған.
Алайда нақты қандай шаралар екені нақтыланбады.
25 мамырда Ресейдің Украинаға жасаған жаппай соққысын Трамп сынға алды.
Ол Владимир Путиннің әрекеттеріне көңілі толмайтынын, «көп адамды өлтіріп жатқанын» айтты.
Журналистермен сөйлесу барысында АҚШ президенті Ресейге қарсы санкцияларды күшейту мүмкіндігін «міндетті түрде» қарастырып жатқанын растады.
