Екінші дүниежүзілік соғыстың аяқталғаны мен Жеңістің 80 жылдығына қатысты жиынға қатысу үшін Мәскеуге 20-дан астам елдің басшылары келеді, деп хабарлайды Alash.kz.
Kazinform хабарланынша, жиынға шақырылғандардың қатарында Қазақстан, Өзбекстан, Беларусь, Армения, Тәжікстан, Қырғызстан, Куба, Словакия, Сербия, Қытай, Үндістан, Бразилия, Вьетнам, Буркина-Фасо және басқа елдердің басшылары бар. Әзербайжан президенті Ильхам Әлиев те шақырту алды.
ЕО өкілдері шарадан бас тартуға шақырғанына қарамастан, Сербия президенті Александр Вучич Мәскеудегі парадқа қатысу ниетін білдірді.
Ресей президентінің баспасөз хатшысы Дмитрий Песков бұған дейін Ресейге 20-дан астам мемлекет пен үкімет басшыларының келуі жоспарланғанын хабарлады. Ал 17 сәуірде ТМД Бас хатшысы Сергей Лебедев ТМД елдерінің барлық басшылары Мәскеуде 9 мамырды мерекелеуге қатысатындарын растағанын хабарлады.
Жеңіс шеруіне ресейлік әскери бөлімдерден бөлек 19 шет мемлекеттің қарулы күштерінің өкілдері қатысады. Олардың арасында Қазақстан, Армения, Беларусь, Қырғызстан, Тәжікстан және басқа да елдердің әскери қызметкерлері бар.
Мажарстан Екінші дүниежүзілік соғыстың аяқталуының мажарлар үшін басқа тарихи маңызы бар екенін түсіндіріп, шеруге қатысудан бас тартты. Соғыс кезінде Мажарстан фашистік Германияны қолдап, антигитлерлік коалиция елдеріне қарсы соғысты. Мажарстан үкіметі кейін фашизмді айыптағанымен, елде қаза тапқан мажарлық сарбаздарды еске алу әлі күнге дейін сақталған.
Германия өкілдері де шеруге қатысудан бас тартты.
Ал АҚШ президенті Дональд Трамп инаугурациядан кейін 9 мамыр Ресейге бару үшін «тым ерте» екенін айтты.
Мерекеге Еуропалық Одақтың келесі елдері шақырылмайды: Аустрия, Бельгия, Дания, Ирландия, Италия, Латвия, Литва, Польша, Румыния, Франция, Чехия, Эстония және т. б., сондай-ақ Аустралия, Андорра, Ұлыбритания, Сан-Марино, Монако, Канада, Исландия, Норвегия, Жапония.
