Майра Ілиясова Динара Сәтжанға берген сұхбатында бірқатар өнер адамдарының сахна мәдениетін сақтамайтынын айтқан еді, деп хабарлайды ALASH.KZ.
Әнші Меруерт Түсіпбаева желідегі парақшасында Майра Ілиясованың өзіне жағымсыз сөз айтқанын баяндады.
«Бізде күлдірем деп, үлкен әнші әйелдер аузына келгендерін айтып жатады. Мен соған риза емеспін. Толық болып шығады. Біздің мас болып шығуға, туфлиімізді сүртпей шығуға, үтіктелмеген киім киіп шығуға қақымыз жоқ. Артымдағы қыздарды ылғи мақтап жүремін. Мадинаның сахнаға шығу мәдениетін, Розаның шығу мәдениетін. 70-ке келсек те біз ешбір жас әншіден кем шықпаймыз. Бірақ профессионалдық дәрежеде атақ алып жатқан әншілер өздерін жақсы ұстайды. Халық сыншы. Халық айтса, дұрыс айтады», — дейді Майра Ілиясова.
Меруерт Түсіпбаева Майра Ілиясованың не үшін бейәдеп сөз айтқанын баяндады.
«Осы орайда менің де айтар- қосарым бар ….Шүкір! Семіз емеспін , бос сөз айтып күлдірмеймін ,мас күйімде сахнаға шықпаймын , ең бастысы — туфлиім де ,арым да таза. Бірақ , мен үшін бас кеспек болса да тіл кеспек жоқ! Әлибидің адвокаттарына, халықтың жинаған ақшасына қатысты өршіген дау-дамайдан кейін, жаздың күні Майра апай, маған албасты деді астарлы ақиқатта…. Міне, мәдениет деген осы болар… Тек бұл жалғаннан ерте озған Мадина Ералиева әпкеме арналған бағдарлама болған соң әруағын сыйлап, түсірімнің аяғына дейін тып-тыныш қана отырдым… Үндемедім, жауап қатпадым… Бірақ жаман болдым. Түсірімнен кейін, Асхат Садырбайға айттым ренжіп, сен кеше Майра апай келмейді дедің ғой деп», — жазды ол.
