Нью-Йорк метросында мәйітті зорлаған ер адамның әрекеті желіні шулатты, деп жазады Alash.kz ұлттық порталы.
Zhest_kz телеграм-арнасының хабарлауынла, АҚШ-та соңғы жылдардағы ең сұмдық қылмыстардың бірі тергеліп жатыр. Нью-Йорк метросында, R желісінің пойызында, Уайтхолл-стрит станциясының маңында бейнебақылау камералары белгісіз ер адамның алдымен өлген жолаушыны тонап, кейін мәйітке зорлық-зомбылық жасағанын түсіріп алған. Бұл оқиға түн ортасында — сәрсенбі күні сағат 12:20 шамасында болған.
Полиция ер адамның қозғалыссыз жатқан мәйітпен жыныстық сипаттағы әрекетке барғанын мәлімдеді. Кейін анықталғандай, марқұм шабуылға дейін табиғи себептерден қайтыс болған. Дегенмен күдіктінің әрекеті вуайеризм және некрофилия ретінде бағалануда.
Оқиғадан көп ұзамай бейнебақылау камераларынан алынған фотосуреттер жарияланды: күдікті ер адам көк бейсболка, қара күртеше, ашық сары толстовка, көк джинсы және қызыл-ақ кроссовки киген. Қолында қара рюкзагы болған.
Gothamist және The Guardian мәліметінше, полиция күдіктінің жеке басын анықтады — ол Бронкстан шыққан 51 жастағы Карлос Гарсия. Оған некрофилия және мәйітті қорлау бойынша айып тағылмақ.
Айта кетерлігі, осы оқиғадан шамамен бір сағат бұрын басқа бір әйел де мәйітке жақындап, марқұмның жеке заттарын ұрлап кеткен.
