Әнші Қарақат Әбілдина әр нәрседен жамандық іздемей, ешкімге өкпелемеу керектігін айтты, деп жазады Alash.kz ұлттық порталы.
“Әр нәрседен жамандықты тере берсең, көре берсең - сен оны өзіңе өзің шақырасың. Сөйтіп жолдарың бұғатталып, барлық есіктер жабылып, өмірің қиындай береді. Ешнәрсені қиындатпау керек. Ешкімге мін тағып, “Билік басындағылар маған бүйтпеді, атақ бермеді. Мына жерде мені бүйтті, сүйтті” деп тере беретін болсаң, онда жағдайың жақсы болмайды. Иә, недеген министрлер ауысқан кезде ондай көзқарастың сызатын сезіндік. Жарайды енді. Тура Астанада отырамыз. Наурыз мейрамы, Тәуелсіздік күні тойланып жатады. Ал сол сәтте біз үйде отырамыз. Ешқандай концерттерге қосылмаған кездер болды. Министрлердің атын атамай-ақ қояйық. Мәдениетті басқаратын қаншама министр ауысқан заманда елдің алдына шығып, құттықтауға лайықты сондай бір сәттерде көп іс-шараларға мүлдем қатыспай, үйде отыратынбыз. Ондай жағдайлар күні бүгінге дейін көп болды. Бірақ неге мен өкпелеуім керек?”,- деді әнші “Әйгерім Сейфолланың сырласуы” бағдарламасына берген сұхбатында.
