Ақтөбе облысының алыс ауылындағы колледж студенттері өз еріктерімен Отан алдындағы борышын өтеуге бел буды, деп хабарлайды ALASH.KZ.
Бұл — Ресей шекарасына жақын орналасқан Жайсан ауылындағы көпсалалы колледждің студенттері.
Аталған колледж негізінен еңбек бағытындағы мамандықтар бойынша жетім балалар мен мүмкіндігі шектеулі жастарды оқытады.
Колледж әкімшілігі жігіттердің әскерге аттану шешімін:
«оқуды аяқтамай-ақ, кейінге қалдыру мүмкіндігі бола тұра, саналы түрде қабылданған ерлікке толы қадам» деп атады.
«Бұл қадам — елге деген терең құрмет пен оны қорғауға дайын екендігінің айғағы. Мұндай шешім шынайы құрметке лайық», — деді колледж ұжымы. Олар студенттердің ата-аналарына да алғыстарын білдіріп, «нағыз ер азамат тәрбиелеп, жауапкершілік пен қызметке әзір ұл өсіргендеріңіз үшін рахмет» деп атап өтті.
