Өнер иесінің Анна Данченкоға берген сұхбатында айтқан сөзіне сенсек, ол өзіне сиқыр жасалғаннан кейін өнерден алшақтаған көрінеді.
”Халық бұл пранкты қалай қабылдайтынын білмеймін. Мақтай ма мақтай берсін, жамандай ма жамандай берсін. Себебі, бұл — менің өмірім. Өз амал дәптерлерін қандай амалдарға толтыратынын олар өздері біледі. Мен өзім өнерді жақсы көремін. Біраздан бері сұхбат бермедім. 3 жылдың ішінде басымнан көп нәрсе өтті. Қазір қалыпқа келдім. Тіпті достарыммен де араласа алмай, оқшауланып кеткен едім. Біраз уақыт ауырдым, ашығын айтқанда, менде сиқырлар болды. Денеме белсіздікке жасалған сиқырлардан біраз нәрселер шығып кетті. Осы нәрселерден айыға алмай жүрдім. Сол мақсатта да Умраға жиі бардым, дем салдырдым. Ән дайын тұрады, бірақ шығара алмай, үйде жата бергім келді. Жұмыс бастайын десем, өнбейді. Сондықтан үзілістер болып қалды”, — дейді ол
Әнші өзіне сиқыр жасалғанын қалай түсінгенін де жасырмай, баяндап берді.
”Өзімді өзім емес сияқты сезініп жүрдім. Мысалы, көлік айдап келе жатсам, өзім емес сияқты, сырттан қарап отырғандай болып жүрдім. Достарым әңгіме айтып отырса, оларды ести алмай, миыма кірмей кететін. Олардың айтқан сөздері есімде де қалмайтын. Шашым түсе бастады. Бел жақтарыма көз сияқты қара нәрселер шыға бастады. Киімдерімнің ішінен санмен жазылған, сырты қоршалған жазулар шықты. Төсегімнің басынан көп инелер тауып алдым. Суицидқа дейін кетіп қала жаздадым. 3 жылдық үзілістен кейін халықтың алдына қайта шығу қиын. Көзден кетсең, көңілден кетесің деген бар. Бұл пранк халықтың назарын аудартатын нәрсе. Осы жылдың басында Умраға барып, үлкен кісіге дем салдырдым. Ол кісі тамақ арқылы жасалған деп бәрін айтты. Кім екенін сеземін. Кім болса да аман болсын. Бәлкім, ішімде жанып тұрған жалыннан айырғысы келіп, жап-жақсы келе жатқан жолды жапқысы келген шығар. Жап-жақсы отбасымды ажыратып, менің өмірден жоқ болып кетуімді қалаған шығар”, — дейді ол.
Әнші бірінші отбасындағы балаларымен қарым-қатынасы жақсы екенін де айтты.
”Балаларыма үй беріп қойдым. Үйсіз жүрген жоқ. Шамамның жеткенінше қарайласып жатырмын. Балалармен кездесіп тұрамын”, — дейді ол.
