Семейде жоғалған бала анасымен аман-есен қауышты, деп жазады Alash.kz ұлттық порталы.
2025 жылдың 21 маусымында «102» жедел арнасына 7 жастағы Аманғали Бекболаттың жоғалғаны туралы хабарлама келіп түсті. Ақпарат келіп түскен бойда полиция қызметкерлері оқиға орнына жетіп, шұғыл түрде іздестіру шараларын бастады.
Жоғалған баланы Затон полиция бөлімінің учаскелік инспекторы Бекен Асыл мен Дархан Жұмағалиев тапты.
Аманғали үйінен шамамен 10 шақырым қашықтықтағы орманнан табылды.
Қиын жағдайға қарамастан, полиция қызметкерлері іздеуді бір сәтке де тоқтатпай, табандылығы мен кәсібилігінің арқасында іздестіру жұмыстары сәтті аяқталды.
