Ош қаласында (Қырғызстан) әйел адам өз үйінде тұншықтырып өлтірілді, деп хабарлайды ALASH.KZ.
Ош қалалық ІІБ баспасөз қызметінің мәліметінше, 14 сәуір күні «Ак-Тилек» шағынауданының 1987 жылы туған тұрғынының өлтірілгені туралы хабар түскен.
Оқиға орнына жедел тергеу тобы мен Ош қалалық ІІБ басшылығы барған.
Тексеру барысында әйелдің тұншықтырылып өлтірілгені анықталды.
Тергеу қызметінің дерегі бойынша, күдікті әйелдің үйіне ұрлық мақсатында кіріп, оны тұншықтырып өлтіріп, кейін оның көлігін айдап кеткен.
Сонымен қатар күдіктінің бұрын осы үйде жалға тұрып келгені де белгілі болды.
Күдікті – 2006 жылы туған, Жапалак ауылының тұрғыны. Ол уақытша ұстау изоляторына қамалды.
