Шымкент қалалық Денсаулық сақтау басқармасы оқ жарақатын алған Руслан Берденовтің қазіргі жағдайы туралы айтты, деп жазады Alash.kz ұлттық порталы.
“Шымкент қаласы әкімінің орынбасары оқ жарақатымен ауруханаға жеткізіліп, шұғыл түрде ота жасалды. Ота барысында қан тоқтатылып, алған жарақатынан келген зақымдар қалпына келтірілді. Қазіргі таңда өміріне ешқандай қауіп жоқ. Жалпы жағдайы ауыр. Динамикада қалыпты. Қазіргі күнде толық медициналық көмекті алуда”, - деді Шымкент қалалық Денсаулық сақтау басқармасы басшысының орынбасары Бақытжан Абдуллаев.
