Актриса Ақерке Арыс енесі жайлы айтып, жан сырын ақтарды, деп жазады Alash.kz ұлттық порталы.
“Шынымды айтсам, енеммен қатты ұрсыстым. Қатты ренжістім. Өте қатты жақын да болдым. Күлдім де, құрбы да болдым. Қызы да болдым, келіні де болдым. Бірақ келінді қызымдай көремін деген нәрсеге қарсымын. Барлық адам өзінің орнында болуы керек. Өтірік істемеу керек. Келін бе? Келін! Қызың ба? Қызың! Ене ме? Ене! Сыйластық, шекара болуы керек.Енеммен үш жыл бірге тұрдық. Қазір бөлек тұрып жатқанымызға бір жыл болды. Енеңмен тұрғанның бір жақсысы, өзіңнің білмегеніңді үйретеді, қиындықтар болғанда да үлкен адаммен тұрған жеңіл. Бірақ бәрібір де ата-ана баласы есеюі үшін оны бөлек шығаруы керек деп ойлаймын. Себебі бірге тұрғанда сол кісіге айту керек, ақылдасу керек деген ой тұрады», — деді актриса.
