Адвокат Ерлан Ғазымжанов сотталған Қуандық Бишімбаевтың отбасы мен бұрынғы жұбайы Назым Қаһарман арасындағы алимент дауына қатысты пікір білдірді, деп хабарлайды Alash.kz.
Бұған дейін Назым Қаһарман Қуандық Бишімбаевтың отбасы алимент төлеуден толық бас тартты деп мәлімдеген болатын. Алайда адвокаттың айтуынша, бұл ақпарат шындыққа толықтай сәйкес келмейді.
«Қуандық Бишімбаев қазіргі уақытта алимент төлеуден бас тартып отырған жоқ, өйткені бұл – әрбір ата-ананың қасиетті міндеті. Ол тек алименттік келісімді бұзуды немесе оның шарттарын өзгертуді көздеп отыр, себебі қазіргі уақытта оның тұрақты табыс көзі жоқ. Заң мұндай жағдайда, яғни материалдық жағдайдың айтарлықтай өзгеруіне байланысты, келісімді қайта қарауға мүмкіндік береді», — деп жазды адвокат Instagram парақшасында.
Ал ата-анасына келер болсақ, біраз уақыт бойы олар өз еріктерімен Қуанышбектің орнына алимент төлеуді жалғастырған. Төлем мөлшері бұрынғы келісімде көрсетілген сомаға сәйкес болған.
«Алайда Назым Қаһарман Қуандық Бишімбаевтың қарт ата-анасына бірнеше рет дөрекі және қорлайтын сөздер айтып, немерелерін олармен араласуға кедергі жасап, балаларды Бишімбаевтар отбасына қарсы қойып, әлеуметтік желілерде психологиялық тренингтер түрінде жүйелі түрде шабуыл жасағаннан кейін, ата-анасы балаларды асырауға жеткілікті деп есептеген өзге мөлшерде уақытша көмек көрсетуді шешті», — деді адвокат.
