Дінтанушы Аманкелді Еренғайыпұлының парақшасында осындай видео пайда болды, деп жазады Alash.KZ.
Әлде ас, әлде жиын болуы керек. Видеода араб ұлтының өкілі қолындағы құжатты көрсетіп, оқи бастайды. Аудармашы арабтың сөзін қазақшаға жеткізеді.
"Мынау қолымдағы қағаз Амангелді қажының аталарының шежіресі" деп, әлдебір адамдардың атын оқып шығады.
Арабтың сөзінен кейін Амангелді Еренғайыпұлының өзі мән-жайды толық түсіндіреді.
"Біз Сейітқожа әулетіміз ғой. 16 ғасырдағы шежіремізді таптық. Одан кейін 19 ғасырдағы қолжазба шежіремізді таптық. Соны Сауд-Арабиясында "Пайғамбарлар әулеті" деген ұйым бар. Сол кісілерге жібергенбіз. Солар біздің шежіремізді зерттеп, дәлелдеп, пайғамбар ұрпағы деген шежіремізді қолымызға беріп жатыр. Енді біздің дәрежеміз арабтармен бірдей болды. Оларда шежіре бар, бізде де шежіре бар" дейді, дінтанушы.
