Павлодарда қызға пышақпен шабуыл жасалды, деп жазады Alash.kz ұлттық порталы Turkystan.kz сайтына сілтеме жасап.
Жергілікті «Типичный Павлодар» Telegram-арнасында жарияланған ақпаратқа сәйкес, оқиға күндіз қоғамдық жерде болған. Жәбірленуші қыздың бетіне ауыр жарақат салынған.
«Қыз тірі, бірақ беті түгел кесілген, тігілген», – делінген хабарламада.
Павлодар облысы Полиция департаментінің мәліметінше, пышақ жарақатына байланысты қылмыстық іс қозғалды. Күдікті ер адам анықталып, Павлодар қалалық полиция бөліміне жеткізілген.
Алдын ала мәлімет бойынша, 20 шілде күні Малайсары батыр көшесіндегі аулада ер адам таныс әйелмен жанжал кезінде оның бетіне жарақат салған. Қазір оқиғаның мән-жайы анықталып жатыр. Тергеу нәтижесінде процессуалдық шешім қабылданады.
