2025 жылы 31 мамырда сағат 14-00 шамасында Ақтөбедегі бес қабатты үйдің біріне жапсарлас салынған дүкен өртеніп, кейін жарылыс болды. Салдарынан екі адам зардап шекті, деп хабарлайды Alash.KZ порталы.
ҚР ТЖМ баспасөз қызметінің хабарлауынша, өртке оранған дүкен Астана ауданындағы Макаренко көшесінде орналасқан.
"Өрттің жоғары дәрежесіндегі дабыл белгісі бойынша оқиға орнына жеткен өрт сөндірушілер дүкен шатырының ағаш конструкциялары жанып жатқаны және ТЖД күштері келгенге дейін оттегі баллонының жарылғаны туралы есеп берді. Өрт сөндірушілер өрт ошағын анықтау үшін шатырды ашып, өртті 100 шаршы метр алаңда сөндірді. Өрттен зардап шеккен екі адам түрлі дәрежедегі дене күйіктерімен ауруханаға жеткізілді", делінген төтеншеліктер хабарламасында.
