Алматыда Психикалық денсаулық орталығынан екі науқас өз еркімен шығып кеткен, деп хабарлайды ALASH.KZ.
Психикалық денсаулық орталығының мәліметінше, науқастар 31 мамыр күні күндізгі серуен кезінде медициналық мекеме аумағынан кетіп қалған.
“Пациенттерді іздеу бойынша дереу шаралар қабылданды. Қазіргі уақытта олардың қайда екені белгісіз. Полиция қызметкерлері мен орталық мамандары бірлесіп іздестіру жұмыстарын жалғастырып жатыр”, – деп хабарлады мекеме өкілдері.
Екі ер адамның іздеу туралы ақпараттары Алматыдағы еріктілер қозғалысының парақшасында жарияланған.
Оларды көрген немесе қайда екенін білетін азаматтардан келесі телефон нөмірлеріне хабарласуы сұралады:
+7 (701) 375-92-91, +7 (705) 105-31-31 немесе 102 нөмірі.
Денис Антипин – бойы 180 см, орта денелі, шашы қара-қоңыр, шалар аралас, көзі қоңыр, сол көзінің қасында қал бар. Кигені: ақ футболка, қара шорты, ашық түсті шлепанцы.
Павел Лавров – бойы 157 см, орта денелі, шашы қара, көзі қоңыр, білегінде тыртық іздері бар. Кигені: қара футболка, қара шорты, қара шлепанцы.
Сондай-ақ Алматыда психикалық ауытқуы бар тағы бір жігіт іздестіріліп жатыр. Ол 25 мамыр күні Медеу аудандық полиция басқармасынан шығып кеткен. Хабарламада ер адамның дезориентацияда екені ерекше атап өтілген.
Елисей Балакин – бойы 176 см, арық денелі, шашы қысқа, қара-қоңыр, көзі қоңыр. Кигені: ақ жазуы бар қара футболка, қара спорттық шалбар және қара кроссовка.
