Шерзат ісі бойынша сот отырысы жалғасуда. Бүгінгі сотта сотталушы Дархан Әскентайдан жауап беруде, деп хабарлайды ALASH.KZ.
"Дүкенге сағат 23:00 шамасында сыра сатып алу үшін келдім. Үш бөтелке сыра мен темекі алдым. Жалпы құны 1300 теңге болды. Оны Нұрымовқа бөлшектеп – 1000 теңгені Kaspi-де, қалғанын қолма-қол төлейтінімді айттым. Досымның інісі Бекнұрға хабарласып, нөмір айтамын, ақша аудар деп ескерттім", - дейді ол.
Дүкенге қайта кіріп, телефонын қуаттауды өтінген.
"Телефонымды зарядтаған күйде қалдырып, сыртқа шықтым. Сыртта Шерзат ашулы күйде тұр екен. Әкеме не айттың, деді де бетімнен ұрып жіберді. Шерзаттың әкесі жүгіріп шығып, бетімді жуатын су әкелді. Сол кезде Нұрболға хабарласып "мені ұрып жіберді, алып кетші" дедім", - дейді ол.
Әскентайдың мәлімдемесіне сүйенсек, Шерзат оны ұрған кезде қолында кассет болған.
