Шерзат ісі бойынша сотталған Равиль Сакиевтің анасына айыппұл салынды. Ол сот залынан шығарда шу шығарып, журналистерді балағаттады, деп хабарлайды ALASH.KZ.
Жетісу облыстық сотында Шерзат Болаттың өліміне қатысты істің үкімі оқылды. 20 жылға бас бостандығынан айырылған Равиль Сакиевтің анасы үкім оқылғаннан кейін зот залында шу шығарды. Сот оған залдан шығарда журналистерге былағат сөз айтып, айғай-аттанға басқаны, тәртіп бұзғаны үшін айыппұл салды.
"Полиция департаменті әділдікке қысым көрсетуге жол жоқ екеніне баса назар аударады. Жағдайды тұрақсыздандыруға, сот шешімдерінің орындалуына кедергі жасауға немесе сотқа құрметсіздік білдіруге бағытталған кез келген әрекет заң шеңберінде қатаң тоқтатылады. Жазаның орындалмауы мүмкін емес деген қағида бұзылмайды", – делінген Жетісу облыстық полиция департаментінің хабарламасында.
